ԱՄՆ-ը սպառնացել է Կիեւին բացահայտել կոռուպցիոն դեպքերը, եթե հրաժարվի օգտակար հանածոների գործարքից

Ամերիկյան կողմը սպառնացել է Ուկրաինային բացահայտել պաշտոնյաների շրջանում կոռուպցիայի դեպքերը, եթե Կիեւը հրաժարվի օգտակար հանածոների գործարքից։ Այս մասին գրում է «The Washington Post»-ի սյունակագիր Դեյվիդ Իգնատիուսը։

«Որպես ճնշման գործիք՝ ամերիկացիները նաև սպառնացել են բացահայտել պաշտոնյաների միջև ենթադրյալ կոռուպցիայի դեպքերը: Ինձ ասացին, որ Սպիտակ տունը նույնիսկ կապ է հաստատել Զելենսկու գլխավոր քաղաքական մրցակցի՝ գեներալ Վալերի Զալուժնիի հետ»,- գրել է հոդվածագիրը։

Իգնատիուսի խոսքով՝ մինչև Զելենսկու այցը Սպիտակ տուն ԱՄՆ վարչակազմի «կարգախոսն» է եղել՝ «Ստորագրիր, ստորագրիր, ստորագրիր»։

Աղբյուրը՝ MediaHub