Ռումինիայի նախագահական ընտրությունների առաջին փուլում առաջատար է ծայրահեղ աջակողմյան թեկնածուն

Ռումինիայի նախագահական ընտրությունների առաջին փուլում ծայրահեղ աջակողմյան, ռուսամետ Կալին Ջորջեսկուն անակնկալ կերպով առաջ է անցել մյուս թեկնածուներից․ հայտնում է BBC-ն։

Ձայների ավելի քան 99%-ի հաշվարկով՝ ծայրահեղ ազգայնական Ջորջեսկուն ստացել է ձայների 23%-ը։ Նրան հաջորդում են աջ կենտրոնամետ թեկնածու Ելենա Լասկոնին Save Romania Union կուսակցությունից և նախընտրական ֆավորիտ համարվող պոպուլիստ սոցիալ-դեմոկրատ վարչապետ Մարսել Չիոլակուն:

Ջորջեսկուն անկուսակցական է։ Նա իր նախընտրական քարոզարշավը հիմնականում TikTok սոցհարթակում է իրականացրել։

Ռումինիայում նախագահական ընտրությունների վերջին երկրորդ փուլը տեղի կունենա դեկտեմբերի 8-ին։

ABC MEDIA -ն է փոխանցում